Surxondaryo delegatsiyasi Tojikistonda

Yurtimiz Mustaqilligining 33 yillik shodiyonalari hali tugagagni yo‘q. xalqimiz ham bayram kayfiyatida. Ana shunday shukuhli onlarda Tojikiston Respublikasida davlat mustaqilligining 33 yilligi boshlandi. Shu munosabat bilan Shahrinav tumanida bayram tantanalari o‘tkazildi.
Tojikistonliklarning quvonchiga uzunliklar ham sherik bo‘ldilar. Jon-jigar, o‘zaro qo‘shnichilik aloqalari mustahkam bog‘langan ikki davlat xalqlarini yagona din, o‘xshash madaniyat, urf-odat va an’analar bir-biriga mustahkam bog‘lab turadi.
Shahrinav tumanida Tojikiston Mustaqillik kuniga bag‘ishlangan tantanali tadbirlarda Uzun tumani hokimi o‘rinbosari Behzod Xasanov boshchiligidagi delegatsiya ham ishtirok etdi. Kutib olish marosimidan so‘ng, O‘zbekiston delegatsiyasi Tojikiston Mustaqillik kuniga bag‘ishlangan tantanali tadbirda bo‘lishdi.
Uzunlik mehmonlarning Tojikistonga kelishi javob tashrifi bo‘ldi. 25-avgust kuni Shahrinav va Tursunzoda shahar ijro hokimiyati vakillari Uzunda O‘zbekiston mustaqilligiga bag‘ishlangan tadbirlarda ishtirok etishgandi.