Yoshlar daftari — imkoniyatlar daftari

Ishsizlikning oldini olish uchun har bir inson o‘ziga munosib baho berishi kerak. Nimalarga qodir, qanday ish qo‘lidan kelishi, qiziqishlari-yu, qandaydir ixtisoslik va hunarga ega ekanidan kelib chiqib harakatni boshlasa, albatta, maqsadga yetish oson bo‘ladi. Ayniqsa, vohamizda qishloq xo‘jaligi sohasi rivoj topganidan bilsa bo‘ladiki, har bir yosh yoki ish boshlovchi kattalar tajribasi va tavsiyasi bilan halol mehnat bilan band bo‘lishi, mo‘may daromad topishi ham mumkin. Davlat rahbarining 153-sonli Qaroriga (https://lex.uz/uz/docs/-6867721) muvofiq ishsiz yoshlarga ajratilgan yer maydonlarida yosh dehqonlar kuch-g‘ayrat bilan ishga kirishgan. Oltinsoy tumanida ham ushbu qaror asosida yoshlarga 70 sotixdan unumdor yerlar ajratilgan bo‘lib, yoshlar tomonidan bu yerlarga makkajo‘xori, karam , gulkaram kabi sabzavot va poliz ekinlari ekilgan. Yoshlarning mehnatsevarligi, yerga bergan mehri sabab bugun ekinlar hosilga kirish arafasida. Ushbu yer maydonidan yaxshi hosil olishni maqsad qilgan Sanjar Diyorov ham boshqa yoshlar qatori berilgan imkoniyatlardan unumli foydalanmoqda.