O‘z vazn toifasida birinchi

Sport bilan mashg‘ul yosh hech qachon yutqazmaydi. Jismonan tetik, sog‘lom, kuchli va chapdast bo‘lib yetishadi. Qolaversa, sport sportchiga yulduzli onlarni taqdim etadi. Dunyo arenalarida bayrog‘imizning yuksaklarga ko‘tarilishi, madhiyamizning yangrashidagi lahzalarni hech narsaga almashtirib bo‘lmaydi.Toshkent shahridagi “Universal” sport saroyida o‘smirlar o‘rtasida sportning Taekwondo WT turi bo‘yicha bo‘lib o‘tgan “Koreya Respublikasi elchisi kubogi” 21-xalqaro turniri ham ana shunday lahzalarga boy bo‘ladi. Ushbu musobaqada bir-biridan kuchli, eochil sportchilar kuch sinashdi. Bellashuv murosasiz kurashlarga boy bo‘ldi. Ular orasida Termiz olimpiya va paralimpiada sport turlariga tayyorlash markazi oʻquvchisi Gulmira Eshqobilova 63 kilogramm vazn toifasida faxrli 1-oʻrinni qoʻlga kiritdi.