Boshqarma boshlig‘i xorijiy til bilimdonlari bilan uchrashdi

Denov tumanidagi 74-umumta’lim maktabi jamoasi Prezident sovrini uchun o‘tkazilgan “Xorijiy tillarni o‘qitish bo‘yicha eng yaxshi maktab” ko‘rik-tanlovining respublika bosqichida faol ishtirok etib, “Xorijga sayohat” yo‘llanmasini qo‘lga kiritdi. Shuningdek, 70 nafar tanlov ishtirokchilari orasida jamoa a’zosi Mirabror Rajabboyev “The best speaker” deb topildi va tanlov tashkilotchilari tomonidan munosib taqdirlandi.
Viloyat Maktabgacha va maktab ta’limi boshqarmasi boshlig‘i Xusniddin Mamadiyev ushbu bilimdon o‘quvchilar bilan uchrashdi. Ularni muvaffaqiyat bilan qutladi. O‘quvchilar bilan bo‘lgan samimiy muloqot davomida boshqarma boshlig‘i o‘g‘il-qizlarning kelajakdagi orzu-maqsadlari bilan qiziqdi. Yoshlarga bugungi imkoniyatlardan keng foydalanib, porloq istiqbol sari dadil qadam tashlash borasida fikr bildirdi.