TISU Hindiston bilan hamkorlik o‘rnatmoqda

Viloyatimizda yagona nodavlat oliygoh sanalmish Termiz iqtisodiyot va servis universiteti talabalarni bilim-salohiyatli, tanlagan sohasining yetuk kadri bo‘lib yetishishi uchun xalqaro ta’lim standartlaridan kelib chiqqan holda bor imkoniyatlarini ishga solmoqda. Turli loyihalarni amalga oshirish bilan birga xalqaro hamkorlikka ham keng e’tibor qaratgan.
Xususan, Retroka Education Pvt. Ltd bilan tuzilgan shartnoma doirasida universitet vakillarining Hindiston taʼlim markazlari va abituriyentlar bilan uchrashuvlari bo‘lib o‘tmoqda. Dehli, Haydarobod va Chennay shaharlarida bo‘lib o‘tgan uchrashuvlar davomida hindistonlik hamkorlarga universitetimizda xorijlik talabalar uchun o‘qish tartibi va yaratilgan shart-sharoitlar tanishtirildi.
Shuningdek, hamkorlikni rivojlantirish imkoniyatlari, talabalarni Hindiston oliy taʼlim muassasalari va tibbiyot markazlarida malaka oshirish masalalari ham muhokama qilinmoqda.