Terim oldidan ehson tadbiri o‘tkazildi

Dalalarda paxtalar mo‘l hosil berib, yig‘im-terim boshlanishidan darak berayotgandek. Ayni darakka labbay deya javob berayotgan surxondaryolik klaster va fermer xo‘jaliklari yetishtirgan paxta hosilini yig‘ib-terib olish mavsumini boshlash arafasida.
Mavsum oldidan esa Al Hakim At-Termiziy majmuasida ehson tadbiri o‘tkazildi. Tadbirda viloyat hokimi Ulug‘bek Qosimov, sektor rahbarlari, tumanlar hokimlari, qishloq xo‘jaligi sohasi faxriylari va xodimlari, diniy soha vakillari, nuroniylar hamda faollar ishtirok etishdi. Milliy boyligimiz bo‘lgan paxta hosilini nes-nobud qilmasdan, qisqa muddatlarda yig‘ib-terib olish, mavsumni uyushqoqlik bilan o‘tkazish, bunda barcha kuch va vositalarni safarbar qilish lozimligi ta’kidlandi.
Tadbir so‘ngida Qur’on tilovat qilinib, yurt tinchligi, hosillar mo‘l-ko‘lchiligi, boshlanayotgan mavsumni xayrli o‘tishini so‘rab duoga qo‘l ochildi.