Tadbirkor — elga madadkor

Bugun tadbirkorlar uchun barcha shart-sharoit va imkoniyatlar yaratilgan. Ular qonun himoyasida. Jamiyatga, xalqqa nafi tegayotganlar esa munosib rag‘batlantirilib kelayotgani ham rost. Tadbirkor Bahriddin Shoto‘rayev ham xonadonida mebel ishlab chiqarishni yoʻlga qoʻygan.
Hozirgi kunda bir emas, 10 nafardan ortiq shogirdlari bor bo‘lib, birgalikda, hamjihatlikda ko‘rganda ko‘zlarni quvnatguvchi mebellarni ishlab chiqarib, xaridorlarining-da qalbini shod qilishmoqda. Korxonada 15 turdan ortiq mebel mahsulotlari ishlab chiqariladi.
Imtiyozli kredit evaziga mebel ishlab chiqarish uchun zamonaviy asbob-uskunalar olgan tadbirkor, kelgusida reja va maqsadlarni katta olgan. Ishini yanada kengaytirib, yangi ish o‘rinlarini yaratmoqchi.