Yarmarkalar xalq xizmatida

Bozorlar arzon bo‘lsa, dasturxonimiz to‘kin-sochin, ro‘zg‘orimiz qut-barakali bo‘ladi. Qolaversa, yurtga keladigan mehmon ham birinchi navbatda, o‘sha davlatning bozorlarini kezadi va bu yerdagi holat, xalq hayoti haqida ozmi-ko‘pmi taassurot oladi. Doimo rahbar va mas’ullar bozorlarimizga e’tibor qaratib, narx-navoni mo‘tdil tutishga, sifatli va arzon sotilishiga e’tibor qaratadilar.
Bu borada bayramlar, ulug‘ ayyom kunlari eng yaxshi bahonai sabab bo‘ladi va arzonlashtirilgan savdo yarmarkalari tashkil etiladi. Bu safar ham shunday bo‘ldi. Surxondaryoning boshqa hududlari singari Angor tumanidagi markaziy dehqon (oziq-ovqat) bozorida ham Mustaqilligimizning 33 yilligi munosabati bilan arzonlashtirilgan oziq-ovqat yarmarkasi tashkil etildi.
Ushbu yarmarkada aholi uchun zarur bo‘lgan oziq-ovqat mahsulotlari sotuvi yo‘lgan qo‘yilgan. Tuman hokimi Qosim Mardonov ham yarmarkada bo‘lib, unda oziq-ovqat mahsulotlari narxini asossiz oshirilmaslik to‘g‘risida tegishli mas’ullarga ko‘rsatmalar berdi.
Angorliklar mazkur yarmarkadan arzon va sifatli oziq-ovqat mahsulotlarini xarid qilib, qilgan bozoridan mamnun bo‘lishayotir.