Parij-2024: Bahodir Jalolov Olimpiadada finalga chiqdi

Bahodir Jalolov deganda har bir o‘zbekning ko‘z o‘ngida yengilmas bahodir, o‘zbekning Alpomishi gavdalanadi. To‘g‘ri-da, birinchi raunddayoq raqibiga kim bilan ringga chiqqanini ko‘rsatib qo‘yadigan bokschi haqida bundan ortiq qanday ta’rif-u tashbeh aytish mumkin? Bahodir Jalolov Fransiyada bo‘lib o‘tayotgan yozgi Olimpiadada finalga chiqdi. Bokschining har bir jangini katta qiziqish bilan kuzatib borgan xalqimiz ahli yana bir bor sportchining kuchiga, mahoratiga tan berishgani ham rost. Bu muvaffaqiyat Olimpiadaning ikkinchi chempionligi uchun bir qadam qolganini ko‘rsatadi!.
Boks boʻyicha Tokio-2020 yozgi Olimpiya oʻyinlari chempioni Bahodir Jalolov ikkinchi bor Olimpiada finalchilari qatoridan joy olmoqda. Jalolov germaniyalik Raman Tiafakni 5:0 hisobida mag‘lubiyatga uchratib, finalga yo‘llanma oldi. Finalda Bahodir 10-avgust kuni ispaniyalik Ayub Al Gadfaga qarshi ringga ko‘tariladi.