“Probatsiya oyligi” doirasida

Sport har qanday yoshning vaqtini mazmunli o‘tishiga xizmat qiladi, kayfiyatini ko‘tarib, o‘ziga bo‘lgan ishonchini oshiradi. Ba’zi yoshlarimizda esa ayni o‘zlariga bo‘lgan ishonch yetishmaydi. Shu sababdan ham ularni sportga oshno etish, yolg‘iz emasliklarini anglatish juda muhim. Uzun tumanida “Probatsiya oyligi” doirasida probatsiya hisobida turuvchilar bilan sport musobaqalari tashkil qilindi.
Respublikamizda hamkor tashkilotlar ishtirokida o‘tkzilayotgan “Probatsiya oyligi” doirasida Uzun tumani prokuraturasi, tuman Oila va xotin-qizlar bo‘limi va tuman Ichki ishlar boʻlimi hamkorligida o‘tkazilgan musobaqalarida Jamoat xavfsizligi xizmati Probatsiya guruhi hisobida roʻyxatda turgan yoshlar va xotin-qizlar o‘zlarining jismoniy imkoniyatlarini ishga soldilar. Musobqa qiziqarli va unutilmas voqealarga boy bo‘ldi. Asosiysi, g‘oliblar aniqlanib, ularga esdalik sovg‘alari topshirildi.