Sportchilarimiz Nukusda…

Sport musobaqalari yoshlarni chaqqonlikka, epchillikka o‘rgatadi. Vaqt, berilgan topshiriqni hisobga olgan holda harakatlanish, qolaversa, jamoaviy tarzda ishlashga o‘rganishadi. Umumiy o‘rta ta’lim maktablarining 5-8-sinf o‘quvchilari o‘rtasida bo‘lib o‘tadigan “Quvnoq startlar” sport musobaqasi ham xuddi shunday. Ushbu sport musobaqasining viloyat bosqichi bo‘lib o‘tdi.
Unda jamoalar bor mahorat va tayyorgarliklarini namoyish etdi. Murosasiz o‘tgan bellashuvlarda Angor tumanidagi 14-umumiy o‘rta ta’lim maktabining o‘quvchilar jamoasi faxrli 1-o‘rinni qo‘lga kiritib, respublika final bosqichiga yo‘llanmani qo‘lga kiritgan edi. G‘oliblar musobaqaning respublika bosqichida ishtirok etish maqsadida Qoraqalpog‘iston Respublikasining Nukus shahriga jo‘nab ketishdi.