Ayni damda Termiz shahrida joylashgan Surxon sport majmuasi binosida oliy o‘quv yurtiga o‘qishga kirish maqsadida abituryentlar uchun test topshirish sinovlari bo‘lib o‘tmoqda. Imtihonda qatnashayotgan yoshlar hamda ularning ota-onalari his-hayajonda. Buni ularning yuz-ko‘zlaridan sezish mumkin.
Imtihon jarayonlarini kuzatib, uni adolatli, shaffof tarzda o‘tayotganiga amin bo‘lish mumkin. Abituriyentlar uchun ham, ularning izidan kelgan, ota-onalari uchun ham barcha qulayliklar yaratilgani kishini quvontiradi. Bir necha yil avval issiqda, pana, soya joylar qidirib, farzandini kutgan ota-onalar bugungi kunda salqin va shinam joylarda kuzatuv manitoringi orqali test sinoviga ishtirok etayotgan farzandini kuzatgan holda o‘tiripti. Bunday e’tibor, yaratilgan shart-sharoit ota-onalarni quvontirayotir.
D.Qo‘zimurotova
