Bo‘ri tabiat bag‘riga qaytarildi

Erta tongda uyg‘onib, hovlingizga chiqsangiz-u ro‘parangizda bo‘ri tursa, o‘zingizni qanday his etasiz? Qo‘rquvdan dahshatga tushishingiz aniq. Denov tumanidagi Ibn Sino mahallasida yashovchi fuqaro M.Ining xonadoniga ham bo‘ri kirib qoldi. Ammo u qo‘rquvni-da unutib, kutilmagan mehmonni parvarish qila boshladi. Bo‘ri ham qaratilgan e’tibor sababmi, odamlarga tashlanmadi, hech qanday arar keltirmadi. Nima bo‘lganda ham xavfsizlikni saqlash, mahalliy aholiga hujum qilib qolishiga qarshi choralarni ko‘rgan afzal.
Shu sabab, viloyat Ekologiya boshqarmasi qilingan murojaatdan so‘ng, viloyat Milliy gvardiya boshqarmasi hamda “Yuqori To‘palang” milliy tabiat bog‘i xodimlari hamkorligida tegishli tartibda bo‘ri fuqarodan olinib, uning salomatligi mutaxassislar tomonidan ko‘zdan kechirildi. Shundan so‘ng, bo‘rini “Yuqori To‘palang” milliy tabiat bog‘i hududiga, tabiat qo‘yniga qo‘yib yuborildi.