Ko‘p yillik muammo hal etildi

Muzrabot tumanidagi “Anorzor” mahallasining Shabada ko‘chasida yashovchi aholi ko‘p yillardan buyon yozda chang, qishda esa loy ko‘chada yurishga qiynalishardi. To‘g‘ri-da, bugungidek barcha sohada rivojlanishlar ketayotgan, chekka qishloqlardagi ichki yo‘llar ham asfaltlanayotgan bir paytda “Anorzor” bunday e’tibordan chetda ekani mahalla ahlini xafa qilmaydimi? Albatta, ular ham ana shunday o‘zgarishlar, yangilanishlar nasimidan bahramand bo‘lishlari kerak-ku!
Nihoyat, anorzorliklarning-da, muammosi munosib yechim topadigan bo‘ldi. Muzrabot tumani hokimi Abdurashid Ismailov va tuman prokurori Islombek Xo‘jamurodovlar tashabbusi bilan ushbu 3 kilometrli Shabada ko‘chasiga tosh to‘kilib, tekislash ishlari olib borilmoqda.