O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni, yengilning ostidan, og‘irning ustidan o‘tishni afzal bilishadi. Shu sabab ham taklif etilayotgan ish o‘rinlarining maoshi to‘g‘ri kelmaydi, to‘g‘ri keladigan maoshlik oylikka esa ularning malakasi… Qiziq-a? Bu ishyoqmaslikning, dangasalikning qaysi pog‘onasiki, mehnat qilib, ayni javlon urish yoshida ish tanlasak, kamchilik qidirsak.
Sog‘lom, tinim bilmaydigan yoshda ba’zilar xarxasha qiladigan paytda ba’zi nogironligi bor insonlarning o‘zini foydali mehnatga urib, jamiyatda o‘z o‘rnini topishga tirishayotganini ko‘plarga o‘rnak qilib ko‘rsatsak arziydi. Tumanning “Xo‘janqon” mahallasida yashovchi nogironligi bor fuqaro Nusratullo Karimov 5 yildan buyon ishsiz edi.
Uyiga ijtimoiy xodimlar kelib, vaziyatni o‘rgand-yu, ahvol tamoman o‘zgardi. Unga tuman Maktabgacha va maktab ta’limi bo‘limida ish borligini aytib, hujjatlarimni ARGOS orqali topshirib berishdi. Suhbatdan ham o‘tdi. Bugungi kunda tuman Maktabgacha va maktab ta’limi bo‘limi Maxsus ta’mirlash-ekspluatatsiya xizmatida ishlayotgan qahramonimiz o‘z ishidan mamnun.