“Salomatlik” karvoni Sariosiyoda

Sog‘ligida shikoyati bor-u, ammo tibbiy ko‘rikka bora olmayotganlar, imkoniyati yetmayotganlar haqida qayg‘urgan Ijtimoiy himoya milliy agentligi viloyat boshqarmasi va Sariosiyo tumanidagi “Inson” ijtimoiy xizmatlar markazi tashabbusi bilan “Salomatlik” mobil karvoni tashkil etildi.
Ushbu mobil karvon to‘xtagan Sharg‘un shahar poliklinikasida ijtimoiy himoyaga muhtoj ayollar va bolalar, nogironligi bo‘lgan fuqarolar uchun malakali shifokorlar tomonidan bepul tibbiy ko‘rik va tekshiruvlar tashkil etildi. Ko‘rik davomida fuqarolarga kerakli tibbiy maslahatlar berildi. Eng asosiysi, ularning davolanishlari uchun yo‘llanmalar berilib, 32 turdagi dori-darmon vositalari bilan ta’minlandi.