Sayohat maroqli o‘tdi

To‘rt muchasi sog‘ odamlar ayni yoz faslida munosib xordiq chiqarib, yil davomidagi charchoqlarini chiqarish maqsadida voha yoki yurtimiz bo‘ylab sayohatga otlangan. Maktab o‘quvchilari ham ta’tilda oromgohlarda yangi do‘stlar davrasida vaqtini chog‘ o‘tkazishayotir. Ammo, yolg‘iz keksalar, nogironligi bor insonlarchi? Ular nima qilishsin? Jarqo‘rg‘on tuman “Inson” ijtimoiy xizmatlar markazi ayni ularni o‘ylagan holda yaxshi bir tashabbusga qo‘l urdi.
Markaz tomonidan tumandagi o‘zgalar parvarishiga muhtoj boʻlgan yolg‘iz yashovchi, yolg‘iz keksa va nogironligi bo‘lgan shaxslarning sayohati tashkil etildi. Viloyatimiz bo‘ylab sayohatga otlangan sayohatchilar go‘zal tabiat manzaralarimiz, shifobaxsh suvlarimiz, toza havomizdan bahramand bo‘lish bilan birga tarixiy qadamjolarga, ziyoratgohlarda ziyorat qilishdi. Muzeylarda bo‘lib, noyob arxeologik topilmalar, qimmatli ashyolar bilan tanishimiz, qadim o‘tmishimiz haqida bilimlarini yanada boyitdilar.
Sayohat maroqli va unutilmas xotiralarga boy bo‘ldi.