Yangi bog‘cha ish boshladi

Date:

Maktabgacha bo‘lgan yoshlarni bog‘chalarga qamrovini oshirish uchun barcha imkoniyatlardan foydalanilmoqda. Bolajonlarga sifatli ta’lim-tarbiya berish, vaqtlarini mazmunli o‘tkazish maqsadida davlat va nodavlat maktabgacha ta’lim tashkilotlari qurilib, foydalanishga topshirilmoqda. Malakali, o‘z ishining ustalari bo‘lmish pedagoglar jalb etilmoqda. Jarqo‘rg‘on tumani “Polvonlar yurti” mahallasida 25 o‘rinli 279-sonli oilaviy nodavlat maktabgacha ta’lim tashkilotining ish boshlagani esa ayni sa’y-harakatlarning davomi bo‘ldi deyish mumkin.
Ushbu oilaviy nodavlat maktabgacha ta’lim tashkilotining ochilish marosimiga tuman hokimligi va tuman Maktabgacha va maktab ta’limi bo‘limi mas’ullari ishtirok etib, mahalladagi bolalarga maʼnaviyat va axloq asoslarini singdirish hamda shakllantirish, ularni maktabgacha taʼlimga jalb qilish maqsadida amalga oshirilayotgan ishlar xususida so‘zladilar.
Tadbir davomida mehmonlar bog‘chada yaratilgan shart-sharoit va qulayliklar bilan tanishdilar. Aytish kerakki, xonalar o‘ziga xos tarzda bezatilgan. Shuningdek, bog‘chada bolalarni kitob o‘qishga bo‘lgan qiziqishini uyg‘otuvchi turli o‘yinchoqlar, didaktik adabiyotlar, ertak kitoblari, ko‘rgazmali materiallar mavjud. Ushbu maskanda o‘g‘il-qizlar munosib ta’lim-tarbiya olishlariga shubha yo‘q.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun