Davlatimiz rahbari tashabbusi bilan hududlardan tanlab olingan mahallalarda “Obod xonadon — obod ko‘cha — obod mahalla” mezonlarini joriy etish bo‘yicha keng ko‘lamli ishlar olib borilmoqda. Qish mavsumida yog‘ingarchilik sabab ko‘chalarimizning cho‘kkan joylarida ancha vaqtgacha yomg‘ir suvi to‘planib, loy ko‘lmak bo‘lib ko‘nglimizni xira qilardi. Endilikda, aholi kayfiyatiga salbiy ta’sir ko‘rsatib kelayotgan muammolarni bartaraf etib, mahallada qilinayotgan keng ko‘lamli ishlar aholini quvontirayotir.
Jumladan, ichki yo‘llarga tosh to‘kish, asvaltlash hamda ariq-zovurlarni tozalash, daraxtlarni oqlash ishlari ham olib borilmoqda. Shuningdek, Sho‘rchi tumanida viloyat hokimi Ulug‘bek Qosimov, tuman hokimi Ulug‘bek Zokirov hamda sektor rahbarlari hamrohligida obod xonadon, obod ko‘cha, obod mahalla tamoyillari asosida qator ishlar amalga oshirilayotgan “Olatemir” mahallasida bo‘lib, mahallada amalga oshirilayotgan ishlar bilan tanishdi, “mahalla yettiligi” bilan suhbatlashdi.
Mahallada istoqomat qiluvchi aholining turmush tarzi yaxshilanib, ko‘chalar obod va ko‘rkamlashmoqda.
Dinara
