Yerni boqsang…

Tomorqa — xazinaga tenglashtirilishi bejizga emas. To‘g‘ri-da, yerga mehr bersangiz, albatta, javoban mo‘l hosil olasiz. Qolaversa, mevali daraxtlaringiz ham vaqti soati bilan meva berib, qishin-yozin dasturxoningiz to‘kin-sochin bo‘ladi. Ortiqchasini sotsangiz, cho‘ntagingiz qappayganiga nima deysiz. Ana shundan keyin ish izlashga hojat ham yo‘q. yil davomida ekin-tikin bilan o‘zingiz va oilangizni ta’minlayverasiz.
Sho‘rchi tumani aholisi ham dehqonchilikda nom qozongan. Qay xonadonga kirmang, qishloq xo‘jaligi mahsulotlari yetishtirgan, kamida 10-15 ta mevali daraxti hosilga kirgan bo‘ladi. Ana shundaylardan biri Farmon Toshboyev ham 4 sotixli issiqxonasida 100 tup pomidor ko‘chatlarini parvarish qilib, uzum va boshqa mevali daraxtlaridan ham yaxshigina daromad olib keladi.