G‘oliblar aniqlandi

Tadbirkor va ishbilarmonlar ishlab chiqarish va xizmat ko‘rsatish orqali daromad olishsa, jamiyatda o‘z imijini yaratishgan bo‘lsa, bu orqali ish o‘rinlari yaratib-da, ishsizlik muammosiga munosib yechim ham qilishayotir. Shu ma’noda, ayniqsa, yoshlar bandligini ta’minlashga e’tibor qaratilayotgan bir paytda otaliqqa olingan yoshlar ham ayni e’tibordan chetda qolayotgani yo‘q. Sherobod tumanida Prezidentimiz Sh.Mirziyoyevning Yoshlarga oid davlat dasturi hamda IIOlari tomonidan otaliqqa olingan yoshlar bandligini ta’minlash borasida bir qator ishlar amalga oshirilmoqda.
Xususan, O‘zbekiston Respublikasi Ichki ishlar vaziri P.Bobojonovning 2024-yil 9-may kunidagi 150-sonli farmoyishiga asosan, IIV o‘rinbosari B.Abdullayevning 2024-yil 28-may kunidagi 173-sonli farmoyishi ijrosini ta’minlash maqsadida saralab olingan 9 ta tadbirkor faoliyati ishchi guruh tomonidan o‘rganildi. O‘rganish yakunlariga ko‘ra, “Yoshlarga eng ko‘p yordam ko‘rsatgan tadbirkor” nominatsiyasida “Pardayev Sirojiddin Ashuraliyevich” YATT belgilab berilgan baholash mezoni natijalariga asosan tuman bosqichi g‘olibi deb topilib, viloyat yo‘llanmasini qo‘lga kiritdi.