Qashqadaryoliklar Angorda

Tajriba almashish, amalga oshirilayotgan ishlar bilan tanishish, faoliyat yutuqlarini o‘rganish har qanday sohada muvaffaqiyatga erishishning eng yaxshi usulidir. Ayni maqsadni ko‘zlagan holda O‘zbekiston Respublikasi Oliy Majlisi Senati devoni hududiy vakillik organlari faoliyatini o‘rganish markazining topshirig‘iga asosan Xalq deputatlari Qashqadaryo viloyat, tuman (shahar) Kengashlari deputatlari hamda kotibiyat xodimlaridan iborat guruh vakillari Angor tumaniga tashrif buyurdi.
Tashrif davomida mahalliy Kengashning sohadagi ijobiy yutuqlari, amalga oshirayotgan ishlari bilan yaqindan tanishildi. Uchrashuv davomida tomonlar o‘rtasida o‘zaro tajriba almashish va hamkorlikni yo‘lga qo‘yishni maqsad qilishdi. Albatta, o‘rganish kerak bo‘lgan jihatlar istagancha topiladi. Jamiyat hayotida tub burilish yasash, xalq manfaatlariga xizmat qiladigan qarorlarni qabul qilish bugungi davr talabi va zaruratdir.