Har birimiz yashab kelayotgan uyimizni asrab-avaylash kerakligini farzandlarimizning ongiga singdiramiz-u, biroq ularga ilm olishlariga o‘z bag‘rini ochib, ikkinchi uyidek bo‘lgan jonajon maktabini toza-ozoda tutib, ehtiyot qilishi kerakligini uqtiravermaymiz. Shundan keyin o‘quvchi partalarining ustiga sevgi xatlarini yozsa, bu bilan kifoyalanmaganlar esa devorlarga oyoq izlarini-da qoldirishga ulguradi. Ana shunday izlarni tuzatish maqsadida har yili oq’uvchi-yoshlarni yozgi ta’tilga kuzatgan maktab ma’muriyati yangi o‘quv yili boshlanishiga qadar ta’mirlash ishlarini olib borishadi.
Joriy yili maktabni ta’mirlanish uchun biz ota-onalar ham ko‘maklashardik. Biroq bu ko‘mak ayrim oilalarning sharoitidan kelib chiqib, biroz noroziliklarga sabab bo‘lardi. Xususan, Surxondaryo viloyati hokimining maktablarni 2024-2025-o‘quv yiliga joriy ta’mirlash bo‘yicha qurilish mahsulotlari bilan ta’minlash hamda maqsadli sarflanishi yuzasidan seminar tashkil etilib, tumandagi barcha umumta’lim maktablarini ta’mirlash uchun zarur bo‘lgan 5 turdagi qurilish mahsulotlari berilgani esa ayni muddao bo‘ldi.
Shunday ekan, biz ota-onalar farzandlarimizga o‘zgalar mehnatini qadrlash kerakligini, maktab binosidagi har bir buyum ularning kelajagi uchun xizmat qilayotganligi va o‘z uyi kabidek asrab-avaylash kerakligini uqtiraylik, aks holda bunday axloqsizliklar takrorlanaveradi.
D.Qo‘zimurotova
