Xorazm bo‘ylab sayohat

Yozgi ta’tilning boshlanishi nafaqat o‘quvchi-yoshlar, balki ustoz-murabbiylar uchun ajoyib boshlandi. Yil bo‘yi qilingan mehnat-u harakatlarning charchog‘ini chiqarish uchun Ta’lim va fan xodimlari kasaba uyushmasi Angor tuman bo‘linmasi tashabbusi bilan sayohat tashkil etildi.
Sayohatchilar azim va ko‘hna Xiva shahriga yo‘l oldilar. Manzilda esa Ichan-Qal’a va Dishan Qal’a ko‘chalarini aylanib, ola-olam taassurotlar oldilar. Shuningdek, Said – Allauddin maqbarasi, Kalta-Minor, Muhammad Aminxon madrasasi, Olloqulixon karvonsaroyi va madrasasi (XIII–XIX asrlar), Pahlavon Mahmud madrasa (XVII–XIX asrlar)larida ham ziyorat, ham sayohat qilindi. Har bir ziyoratgohning tarixi bilan tanishuv esa barchaning qiziqishini oshirdi.
Bir so‘z bilan aytganda, sayohatchilar mahalliy aholining milliy an’analari, madaniyati va san’atidan bahramand bo‘lib, bir olam zavq olishdi.