150 yoshli daraxt muhofaza ostiga olingan

Yurtimiz, xususan Surxon vohasi o‘ziga xos iqlim sharoitiga ega, tabiati, nabotot va hayvonot olamining xilma-xilligi bilan ajralib turadi. Ayniqsa, bir necha yuz yoshli chinor daraxtini bilmagan, ushbu mahobatli daraxtni o‘z ko‘zi bilan borib ko‘rmagan inson bo‘lmasa kerak. Sherobod tumanining “Qizilolma” mahallasida joylashgan “Xo‘jayduldur ota” ziyoratgohida ham 100 yoshdan oshgan daraxt parvarish qilinmoqda.
Aytishlariga qaraganda, bu tut daraxti kamida 150 yil oldin, shu yerda yashovchi mahalliy aholi tomonidan ekilgan. Uning parvarishi, har xil kasalliklarga uchramasligi uchun viloyat Ekologiya boshqarmasi tomonidan ro‘yxatga olinib, nazorat qilinmoqda.