Muzeyda ochiq dars

Dars mashg‘ulotlari qiziqarli bo‘lishi, o‘tilajak mavzu o‘quvchi e’tiborini tortishi uchun pedagog mahoratini ishga solishi, mavzu haqida aniq taassurot uyg‘ota olishi lozim. Ana shundagina auditoriyani o‘ziga ergashtira oladi. ayni maqsadni ko‘zlagan Termiz davlat pedagogika instituti Tarix va uni o‘qitish metodikasi kafedrasi o‘qituvchisi N.Maxmatkulova “Muzeyshunoslik” fanidan ochiq dars mashg‘ulotlarini Termiz shahrida joylashgan Arxeologiya muzeyida olib bordi.
Nazariya va amaliyot uyg‘unligini birlashtirgan dars talabalarda katta taassurot qoldirdi. Kreativ yondashilgan ochiq dars muzey xodimlari va sayyohlar qiziqishini uyg‘otdi. Yakunda talabalar fan o‘qituvchisi bilan birgalikda muzeyda saqlanayotgan eksponatlar bilan tanishishdi.