IT markazi ish boshladi

IT sohasiga qiziqish ortib, hududlarda soha sirlarini mukammal o‘rgatadigan markazlar faoliyati yo‘lga qo‘yilayotir. Muzrabot tumanidagi “Do‘stlik” mahallasida ham tuman hokimi Abdurashid Ismailov tashabbusi bilan raqamli texnologiyalar o‘quv markazi ish boshladi.
IT markazning ochilish marosimida tuman hokimining shaxsan o‘zi ishtirok etib, yoshlarga kompyuter texnologiyalar sohasini chuqur o‘zlashtirishlari, yurtimiz rivojiga o‘z hissasini qo‘sha oladigan kadrlar bo‘lib yetishishlari lozimligi ta’kidladi.
Ushbu markaz zamonaviy kompyuterlar bilan ta’minlangan bo‘lib, frontend, backend, kompyuter savodxonligi va IT english kurslari mavjud. Shuningdek, u yerda o‘quvchi sig‘imi 40 nafar bo‘lib, mashg‘ulotlar haftada 3 kun olib boriladi.