Hayotimiz davomida o‘tgan umrimizga nazar tashlasak, eng beg‘ubor paytimiz bu bolalik davrimiz, desak mubolag‘a bo‘lmaydi. Ayniqsa, bog‘chaga borgan kezlarimizni yodga olganimizda dilimiz quvonadi. Ko‘z ochib yumgunimizcha o‘zimiz ulg‘ayib endi farzandlarimiz ham biz kabi bolalikning eng beg‘ubor sho‘x-shodon paytlarini bog‘chada o‘tkazishmoqda.
Xususan, Termiz tumanidagi 1-MTT bolajonlari jonajon bog‘chasi bilan xayrlashib, maktabga ilk qadam bosish yoshiga kelganligi bois, “Xayr bog‘cha” ma’naviy-ma’rifiy tadbiri tashkil etildi. Tadbirda jajji bolajonlar o‘zlarining ajoyib raqslari va she’r-qo‘shiqlari, turli sahna ko‘rinishlari bilan barcha ota-onalarga olam-olam quvonch baxsh etdi. Shuningdek, tadbirda turli viktorina o‘yinlari o‘tkazilib, g‘oliblar rag‘batlantirildi.
D.Mahmudova
