XAVFSIZLIK CHORALARI TEKSHIRILDI

Istirohat va ko‘ngil ochar bog‘lar yoshlarning sevimli maskanidir. Ayniqsa, turli attraksionlar munosib xordiq chiqarish, ko‘ngil yozishga xizmat qiladi. Ammo birgina ehtiyotsizlik, xavfsizlik choralarining ko‘rilmagani xordiqni chala qilishi, shirin jonga xavf tug‘dirishi hech gap emas.
Sal avval, Termiz shahridagi “Bolajon” istirohat bog‘ida 4 nafar yoshning attraksiondan yiqilib, turli ko‘rinishda jarohat olgani hali yodimizdan ko‘tarilgani yo‘q. Toki attraksionlar xavfsizlik talablariga javob bermas ekan, bunday holat har birimiz bilan sodir bo‘lishi mumkin. Oxir-oqibat esa ko‘ngil yozaman deb bir umr nogiron bo‘lib qolishidan, hayotiga nuqta qo‘yilishidan yomoni yo‘q.
Ana shunday holatlarning oldini olsih maqsadida Jarqo‘rg‘on tumani Favqulodda vaziyatlar bo‘limi va mamkorlikdagi xizmatlar ishtirokida tumandagi “Diana Nur” istirohat bog‘ida sodir bo‘lishi mumkin bo‘lgan favqulodda vaziyatlar va yong‘inlarninng oldini olish hamda sodir bo‘lganda bartaraf etish, shuningdek, jabrlanganlarga birinchi yordam ko‘rsatish bo‘yicha amaliy maxsus taktik o‘quv mashqi o‘tkazildi.