Termiz shahridagi Yoshlar markazida “Besh tashabbus olimpiadasi” doirasidagi “Yoshlar ovozi” tanlovining viloyat bosqichi boʻlib oʻtdi. Unda tanlovning tuman, shahar bosqichlarida saralangan yoshlar qatnashib, anʼanaviy ijro, baxshichilik, estrada va opera yoʻnalishlarida oʻz isteʼdodlarini yana bir bor namoyon etdilar.
Eslatib o‘tish joizki, tanlovning mahalla bosqichlarida 21 ming 200 nafar ishtirokchi qatnashgan boʻlib, ularning 158 nafari viloyat bosqichiga qadar yetib keldi. Ular orasidan 12 nafar iqtidor egalarigina tanlovning
respublika bosqichiga yoʻllanmani qoʻlga kiritadilar. Tanlov davomida iqtidorlar saralandi. Baxshichilik yo‘nalishida Doniyor Toshmurodov baxshichilikda birinchi bo‘lgan bo‘lsa, an’anaviy ijroda Javohir Hakimovga teng keladigani topilmadi. Operada Sadoqat Abdurahimovaning ijro mahoratiga barcha tasanno o‘qidi. Surojiddin Bobomurodov esa estrada yo‘nalishida g‘oliblikni qo‘lga kiritdi. Yosh toifalari bo‘yicha g‘oliblar aniqlanib, munosib taqdirlandi.
