Viloyat hokimining tashrifidan so‘ng…

Surxondaryo viloyat hokimining hududlarda bo‘lganini turli sohalarga, ulardagi muammolarga e’tibor qaratgani-yu, mas’ullarga kerakli topshiriq va vazifalar belgilab berganini aytamiz. Xo‘sh, ushbu topshiriq va vazifalarning ijrosi qanday kechmoqda. Shu jihatlarga qiziqib, holatni o‘rganishlar davomida bildikki, Sariosiyo tumanida bo‘lib, ijtimoy-iqtisodiy, ma’naviy va boshqa sohalarda amalga oshirilayotgan islohotlar, mahallalardagi muammolar va ularning hal etilishi, yo‘l, kommunal xizmatlar ko‘rsatilishi ahvoli bilan tanishib, tegishli ko‘rsatma va tavsiyalar bergan viloyat hokimining tashrifidan so‘ng, tumandagi “Shoqishloq” mahallasining 3,5 kilometr ichki yo‘llarida ta’mirlash va asfalt yotqizish ishlari olib borilmoqda.
Shunga ko‘ra, tuman hokimi Abduqodir Donayev tomonidan mas’ullarga qurilish-ta’mirlash ishlarini sifatli amalga oshirish hamda sohada qat’iy nazorat o‘rnatish bo‘yicha vazifalar belgilab berildi. Shuningdek, Sariosiyo tumani M-41 avtomobil yo‘l bo‘ylab amalga oshirilishi kerak bo‘lgan ishlarning rejalari tuzilib, tegishli chora-tadbirlar bo‘yicha vazifalar belgilab olindi.
Tumanning Gulobod mahallasidan Shirin mahallasining Chumchuqlijar bojxona postigacha bo‘lgan yo‘l bo‘ylarida ham qurilish, ta’mirlash va obodonlashtirish ishlari boshlab yuborildi.