Shahrimizda yo‘lsozlik bo‘yicha aytarli muammo yo‘q, ichki yo‘llarimiz-da ravon. O‘z navbatida aholi ham bunday qulaylikdan mamnun. Viloyatimizning tuman va qishloqlarida ham ana shunday shart-sharoitlar yaratish tizimli tarzda amalga oshirilmoqda. Surxondaryo viloyati hokimi Ulug‘bek Qosimovning joriy yil 14-yanvar kuni Qumqo‘rg‘on tumani “Umid nihollari” mahallasiga tashrifi chog‘ida ushbu mahallaning ichki yo‘llarini ta’mirlash bo‘yicha topshiriq bergan edi.
Topshiriqqa asosan “Umid nihollari” mahallasi ichki yo‘llarining 4,8 kilometr masofasi toshlandi va 1,7 kilometr masofasida asfalt yotqizish ishlari amalga oshirilmoqda. Qolaversa, Qumqo‘rg‘on tumani davlat ahamiyatidagi 4R-101 “Jarqo‘rg‘on-Kakaydi-Lalmikor-Qushchekka-Tojikiston Respublikasi chegarasi” avtomobil yo‘lining 29-30 kilometr oralig‘ida Qumqo‘rg‘on tuman yo‘llardan foydalanish korxonasi davlat muassasasi xodimlari tomonidan joriy ta’mirlash ishlari amalga oshirilmoqda.
Topshiriq ijrosi amalda
Date:
