O‘quvchi-yoshlar uchun fizika, kimyo fanlari eng zerikarli va o‘zlashtirish qiyin fan hisoblanadi. Ammo bu murakkablikni qiziqarli tashkil etish imkoni bor. Albatta, ushbu fanlar fizik, kimyoviy tajribalar bilan yanada qiziqarli. O‘quvchi-yoshlarni o‘quv jarayoniga jalb qilish maqsadida ta’limda xalqaro tajribalarda qo‘llanilayotgan virtual laboratoriyalarda rеsurslardan foydalanish o‘quv jarayonini yanada qiziqarli bo‘libgina qolmay, tеzkor, xavfsiz va iqtisodiy samarali tashkil etishga yordam bеradi va barcha maktablarda ushbu platforma kirib borayotir.
O‘quv jarayonlariga fizika fanidan dars bеrish davomida simulyasiyalarning onlayn manbai hisoblangan PHET platformasi tavsiya qilinmoqda. Ushbu platformadan barcha tabiiy yo‘nalishda tahsil olayotgan o‘quvchilar foydalanib, o‘zlariga kеrakli ma’lumotlarni o‘zlashtirishlari mumkin.
