“Yashil bog‘lar” soni ortmoqda

“Yashil makon” umummilliy loyihasi sabab yurtimiz bog‘-u bo‘stonga, gulzorga aylanayotir. Har qadamda insonning bahri dilini ochguvchi anvoyi gullar, kurtak ochib, barg yozgan daraxt ko‘chatlariga ko‘zingiz tushadi. Ha, bu daraxtlar kun kelib, gurkirab yashnaydi, soyasi-yu mevasidan el bahramand bo‘ladi. Ana shunday ezgu niyatni ko‘zlagan ezgu tashabbus sabab bugun cho‘l-u dashtlar ham yashillikka burkanayotgani haqiqat.
Xususan, Sariosiyo tumanida ham “Yashil makon” umummilliy loyihasi doirasida “Bo‘yrapusht” mahallasi hududidagi 4 gektar yer maydonida hashar tashkil etildi. Ushbu hasharda, tumandagi barcha korxona, tashkilot va muassasalarning 1 500 ga yaqin rahbar hamda xodimlari va faollar ishtirok etdi. Hashar davomida 3 800 dan ziyod mevali (Dashnobod anor ko‘chati) va 300 ga yaqin manzarali daraxt ko‘chatlari ekildi. Bu kabi xayrli ishlar davom etmoqda.