Endilikda tekis va ravon

Ko‘chalarimizda, mahallamizda qulaylik va shart-sharoitlar yaratilayotganini ko‘rganning qalbida shukronalik hissi mavj urishi, mamnun bo‘lishi aniq. Axir, har bir amalga oshayotgan islohotlar inson uchun. Ana shunday sa’y-harakatlar nasimi boshqa hududlarda bo‘lgani kabi Sariosiyo tumanida ham esdi.
Xususan, tumandagi 2-sektor hududidagi “Terakzor” mahallasining 1 kilometrga yaqin yo‘llarida obodonlashtirish boshqarmasi tomonidan toshlash ishlari olib borildi. Mahallalarning ichki ko‘chalarini toshlash ishlari belgilangan reja asosida ketma-ketlikda amalga oshirilmoqda. Eng muhimi, mahalla ahli, qolaversa, mehmon bo‘lib yoki biror yumush bilan kelib-ketguvchilar ham endilikda loy va chang ko‘chalardan emas, tekis va ravon yo‘llardan yurishadi.