Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida sinovdan o‘tadi va o‘quvchining ushbu fanlarni nechog‘lik o‘qib o‘rgangani, o‘zlashtirgani baholansa, fan o‘qituvchining mahorati ham ochiqlanadi. Shu sababdan ham ana shunday tanlov va fan olimpiadalarini tez-tez o‘tkazib, bilimlar baholanib turishi shart va zarur. Surxondaryoda ayni maqsadga xizmat qiluvchi Al-Xorazmiy nomidagi aniq va tabiiy fanlar olimpiadasining viloyat bosqichiga start berildi.
Termiz shahrida 7-8-sinf o‘quvchilari o‘rtasida boshlangan Al-Xorazmiy nomidagi aniq va tabiiy fanlar (fizika, kimyo, biologiya) olimpiadasining hududiy bosqichi boshlanib, o‘quvchi-yoshlar matematika fanidan o‘z bilimlarini sinovdan o‘tkazishmoqda. Aytish kerakki, mazkur olimpiadaning hududiy bosqichida matematika fanidan har bir sinf bo‘yicha alohida 3 nafardan 1-, 2-, 3-o‘rinni egallagan iqtidorli yoshlar may oyida Toshkent shahrida o‘tkazilishi rejalashtirilayotgan Al-Xorazmiy nomidagi yosh matematiklar xalqaro olimpiadasida ishtirok etish imkoniyatiga ega bo‘ladi.