Daromadiga qo‘shimcha bo‘ldi

Shunday insonlar borki, o‘zidagi nuqson yoki imkonsizlikni ro‘kach qilib, bersang yeyman, yo‘qsa o‘laman deb o‘tirishni o‘ziga ep bilmay, bor kuchini mehnat qilishga, peshona terisi bilan non topishga urinadi. Angorlik Jamshid Qurboniyozov ham imkoniyatim cheklangan demadi-da, oila a’zolari bilan birgalikda tomorqasining 2 sotixida issiqxona tashkil qildi.
“Yoshlar daftari”ga kiritilgan Jamshidga motokultivator ham ajratilib, daromadiga qo‘shimcha bo‘ldi. Hozirda xonadonda kabachki va turli xil ko‘kat parvarish qilib, bir yilda 20-30 million so‘m daromad olayotir.