Issiq jonni isitmasi bor deganlaridek, har bir insonni o‘ziga yarasha sog‘ligi bilan bog‘liq muammolarga duch keladi. Ammo, o‘z vaqtida shifokor qabuliga borishga vaqt va mablag‘ yo‘qligi esa shifokor qabuliga borishni orqaga suraveradi.
Ayniqsa, davlat tashkilotlarida ishlovchi xodimlar ish vaqti tig‘iz bo‘lganligi bois, ishdan ortib xotirjam ko‘rikdan o‘tish biroz muammoday tuyuladi. Endilikda, Prezident huzuridagi Davlat xizmatini rivojlantirish agentligi tashabbusi bilan Sog‘liqni saqlash vazirligi, hokimliklar hamkorligida davlat xizmatchilari birlamchi tibbiy ko‘rikdan o‘tkazilayotir. Xususan, 10-yanvar kuni Denov tumani hokimligi apparat xodimlari, bo‘lim boshliqlari chuqurlashtirilgan tibbiy ko‘rikdan o‘tkazildi.
Ko‘rikka kelganlarning salomatligi haqidagi xulosalar, ayrimlariga esa malakali shifokorlar tomonidan chuqurlashtirilgan ko‘rikdan o‘tishlari uchun yo‘llanmalar berildi. Bu esa ulardagi ayrim kasalliklarning barvaqt oldi olishga xizmat qiladi.
Dinara Mahmudova
