Yashil maydonlar kengaymoqda

Ayni qish-qirovli kunlarda viloyatimizga tashrif buyuradigan mehmonlar vohadagi ob-havoni, albatta, tilga olishadi. Qo‘shni viloyatlarda qor yog‘ib, izg‘irin sovuq bo‘lib yotsa-da, Surxondaryoda bahoriy havo hukmron bo‘lishi haqiqat. Shuning uchun ham vohada yilda to‘rt faslda ham ekin ekish, nihol qadash mumkin.
Termiz shahridagi Islom Karimov ko‘chasi bo‘ylab voha iqlimi va tuproq sharoitlariga mos daraxt ko‘chatlari ekildi. Jarayonda viloyat hokimi Ulug‘bek Qosimov ishtirok etib, shaharda, umuman viloyatimizning har bir hududida yashil maydonlarni kengaytirish lozimligini ta’kidladi.
Keltirilgan ko‘chatlarni belgilangan talablar asosida ekish, unishi, parvarishi uchun har biriga mas’ul biriktirish bo‘yicha topshiriqlar berildi.