YANGI YIL – TALABA-YOSHLAR NIGOHIDA

Yangi yilni barcha o‘zicha tasavvur qiladi. Bu lahzalarda boladek ertak va afsonalarga ishonishni istaysiz. Shimoliy qutbdan Qorboboning kelishini, sovg‘alar bilan qalbimizni quvonchga to‘ldirishiga ishonamiz. Ha, yangi yil qalblarimizdagi orzu va umidlarni ro‘yobga chiqaradi.
Termiz iqtisodiyot va servis universiteti talabalari o‘rtasida “Yangi yil — orzu-umidlar va ulkan niyatlar bayrami” shiori ostida “Yangi yil talabalar nigohida-2024” nomli ijodiy tanlov o‘tkazildi. Ushbu tanlovda yoshlarning tasavvurlari, xayolot dunyolaridagi obrazlar suratlarga ko‘chdi.
Ajib chizgilarni kuzatgan borki, ularni-da qalbini bayram shukuhi egallab oldi. Surat chizish zavqli jarayon, buni kuzatish esa unda-da maroqli kechdi. Yangi yil bayrami shukuhini tasvirlovchi devoriy gazetalarda kreativ ijodiy yondashuv bilan ishlangan ijod asarlari hakamlar hay’ati tomonidan yuqori baholandi.