Biotexnik tadbirlar boshlandi

Bizku yilning sovuq kunlarida jon qayg‘usida qish tadorligini ko‘ramiz, o‘zimizga zaruriy shart-sharoitlarni yaratamiz. Ammo, ochiqlikda, tabiat qo‘ynida yurgan jonivorlarchi? Ularning jon saqlashi, yemish topish masalasi qanday bo‘ladi? “Surxon” davlat qo‘riqxonasi jamoasi jonivorlar hayoti uchun qayg‘urib, biotexnik tadbirlarni boshlab yubordi.
Qo‘riqxonadagi boy hayvonot dunyosini qahraton qishdan olib chiqish maqsadida qo‘riqxonaning “Xatak” bo‘limida hayvonlar ko‘p uchraydigan joylarga tuz va yemlar qo‘yib chiqildi. Bunday tadbirlar qo‘riqxonaning boshqa bo‘limlarida ham davom ettirilib, baland tog‘larda va cho‘l hududlarida yashovchi yovvoyi hayvonlarni asrab qolishga xizmat qiladi.