JARQO‘RG‘ONDA YANGI YIL SHUKUHI

Yangi yil bayrami arafasida barcha xonadonlarda dasturxonlarini nozi-ne’matlarga to‘ldirib, shodiyonani to‘kin-sochinlikda kutib olish an’ana tusini olgan. Jarqo‘rg‘on tumanida har bayram arafasida oziq-ovqat yarmarkalari tashkil etilib, tuman ahli uchun katta qulaylik yaratiladi. Bu yil ham shunday bo‘ldi. Tuman hokimi Elmurod Avazov hamda sektor rahbarlari ushbu yarmarkada bo‘lib, bozor faoliyati bilan yaqindan tanishishdi.
O‘rganish davomida aniqlangan kamchiliklar shu joyning o‘zida bartaraf etildi. Yarmarkada fuqarolar qishloq xo‘jaligi mahsulotlarini bozor va do‘konlardagidan arzon narxlarda sotib olish imkoniyatiga ega bo‘ladilar. Arzon va sifatli mahsulotlar xarid qilishayotganidan tuman ahlining boshi osmonda.