Hukm

Date:

Uchta shaxsga nisbatan o‘lim hukmi o‘qildi. Ular: din peshvosi, oqlovchi (advokat), fizik olim.
Jazo vaqti kelganda, birinchi bo‘lib diniy olimni keltirishdi. Boshini gilotin (boshni tanadan judo qiladigan uskuna) ostiga qo‘yib undan:
— O‘limingdan oldin aytadigan oxirgi gaping bormi? — deb so‘rashdi.
Din olimi:
— Men Allohga ishonaman, Alloh… Alloh… Alloh meni qutqaradi! — dedi.
Gilotin tig‘i zarb bilan tusharkan, boshiga yetmasdan to‘satdan to‘xtab qoldi.
Olomon hayratlanib:
— Olimga ozodlik! Dinga ozodlik! Uni ozod qiling! — deb hayqirdi. Din olimi jazodan qutildi.
Navbat oqlovchiga keldi. Undan:
— O‘limingdan oldin aytadigan oxirgi gaping bormi? — deb so‘rashdi.
U:
— Men din olimichalik Allohni tanimayman! Lekin men adolatga ishonaman! Adolat meni qutqaradi! — dedi.
Uskuna tig‘i tushib uning bo‘yniga yetay deganda to‘xtab qoldi.
Olomon yana hayratlandi.
— Oqlovchiga ozodlik! Yashasin adolat! Uni ozod eting! — dedilar. U qutilib qoldi.
So‘nggi navbat fizik olimga keldi. Undan ham:
— O‘limingdan oldin aytadigan oxirgi gaping bormi? — deb so‘rashdi.
U:
— Men din olimichalik Allohni, oqlovchichalik adolatni bilmayman. Lekin, gilotin arqoni tugun bo‘lib qolgan. Aynan shuning uchun uning tig‘i tushishiga mone’lik qilyapti! — dedi.
Fizikning so‘zi to‘g‘ri chiqdi. Muammoni bartaraf etishdi. Va uning boshini tanasidan judo qilishdi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun