Uzun tumanida “Ma’naviyat maskani” foydalanishga topshirilib, o‘z faoliyatini boshladi. Ushbu Ma’naviyat maskani ochilishi tuman yozuvchilar uyushmasi a’zosi, ijodkor Nabijon Rahmatov tomonidan yozilgan “Ko‘ngil chirog‘i” nomli kitob taqdimoti bilan boshlandi.
Tadbirda tuman hokimi so‘zga chiqib, bugungi kunda ma’naviyat sohasiga qaratilayotgan e’tibor unib-o‘sib kelayotgan yoshlar, uchinchi renessans vakillarini kitob mutolaasiga bo‘lgan mehrini oshirishga xizmat qilishini ta’kidladi. Ma’naviyat maskanining ochilish marosimiga kelganlar uchun “Ko‘ngil chirog‘i” kitobining taqdimoti kutilmagan sovg‘a bo‘ldi. Adabiyotga qiziquvchilar borki, ushbu kitobni varaqlab, hattoki, so‘zga chiqib, kitob haqida o‘z fikr va munosabatlarini bildirdilar.
Aytish kerakki, Ma’naviyat va ma’rifat maskanida yaratilgan shart-sharoitlar hududning ijtimoiy-ma’naviy muhitini yanada yaxshilashda, aholi vakillari, xususan, yoshlar o‘rtasida milliy g‘urur, milliy iftixor va daxldorlik tuyg‘usini yanada kuchaytirishda muhim o‘rin tutadi.
