Raqiblarini mot qildi

Shaxmat inson aqlini sharxlab, qanday yo‘l tutishni o‘rgatadi. Fikrlash doiramizni kengaytirib, o‘ylashga, mushohada qilishga odatlantiradi. Shu sababdan ham farzandlarimizni yoshligidanoq shaxmatni o‘rganishlarini istaymiz. Bu qarorimiz foyda bo‘lsa borki, aslo zarar emas.
Buni “Biz birgamiz” ijtimoiy loyihasi asosida bo‘lib o‘tgan “Maftunkor ranglar jilosi” 5-respublika shaxmat musobaqasi orqali bilish mumkin bo‘ldi.
Tanlovning tuman, viloyat bosqichlarida g‘oliblikni qo‘lga kiritgan Muzrabot tumanidagi 2-maktabning 7-sinf o‘quvchisi O‘ralbek Normo‘minov respublika bosqichida ham faol qatnashdi.
Raqiblari bilan shaxmat o‘ynab, ularni mot qildi va 1-o‘rin g‘olibi bo‘ldi. O‘ralbek tashkiliy qo‘mita tomonidan diplom, noutbuk hamda pul mukofotlari bilan taqdirlandi.