Subsidiya berish yana boshlandi

Uy olaman desangiz-u, sizga qaytarib berilmaydigan to‘lov — subsidiya ajratishsa, do‘ppingizni osmonga otishingiz aniq. Ammo, bir muddat uy-joy olish uchun subsidiya ajratilmayotgani ko‘plarning xafsalasini pir qilgan bo‘lsa, bu amaliyot yana joriy etilganiga nima deysiz?
Aytish kerakki, subsidiya daromadi yuqori bo‘lmagan va uy-joy sharoitini yaxshilashga muhtoj oilalarga ijtimoiy mezonlar asosida beriladi. Subsidiyalar bir oilaga (oila a’zolarining bittasiga) faqat 1 marta beriladi. Fuqarolar ipoteka kreditlari bo‘yicha subsidiya olish uchun my.gov.uz portali orqali elektron tarzda ariza (https://my.gov.uz/oz/service/325) yuborishlari mumkin.