Raqibini 1-raundda nokaut qildi

Bahodir Jalolov deganda bugunning qahramoni, yengilmas alp o‘g‘lon ko‘z o‘ngimizda gavdalanadi. U haqida tayyorlanadigan ko‘rsatuv-u maqolalarda sportchining hali yengilmagani, qolaversa, birinchi raunddayoq raqibini nokaud holatiga keltirishi biroz mubolag‘adek tuyilishi aniq. Ammo, sportda aldov, bo‘rttirish bo‘lmaydi. Aks holda, aldovning baribir misi chiqadi.
Bu fikrlar esa Bahodirga yot tushuncha. Negaki, boks bo‘yicha Tokio-2020 Olimpiadasi chempioni Bahodir Jalolov Osiyo o‘yinlarining finaliga yo‘l oldi. Eng og‘ir (+92 kg) vazn toifasida yurtimiz sharafini himoya qilib, yarim finalda xitoylik Bayikevuzi Danabiekeni 1-raunddayoq nokautga uchratdi va 5-oktyabr kuni oltin medal uchun jang qiladigan bo‘ldi.