Seminar tashkil etildi

G‘alla — rizq-ro‘zimizdir. Uni ekish, parvarishlash, mo‘l hosil olish esa soha mehnatkashlari zimmasidagi mas’uliyatli vazifadir. G‘allazorlarimizning maydoni qanchalar keng bo‘lishi, qolaversa, qarovning yaxshi bo‘lishi kelgusida un va non mahsulotlarining tannarxida sezilarli darajada o‘zgarishiga sabab bo‘ladi. Ayni kunlar esa g‘alla ekish uchun mos va qulay fursat. Shu sababdan g‘alla ekish ishlari boshlanishi munosabati bilan “Yo‘lchi yulduz” hududi “Bandixon hosili” fermer xo‘jaligida amaliy seminar bo‘lib o‘tdi.
Soha mutaxassislari va tajribali dehqonlar ishtirok etgan seminar davomida g‘alla ekish ishlarini sifatli va samarali tashkil etish ishlari haqida so‘z bordi. Qolaversa, mavsumda tegishli chora-tadbirlarni amalga oshirish ishlari belgilab olindi. Ma’lumot uchun aytish kerakki, bandixonlik mirishkorlar tomonidan 2024-yilda 4 ming 688 gektar yer maydoniga g‘alla yetishtirish ishlari rejalashtirilgan.