Zakovatlilar bir manzilda jam

“Zakovat” intellektual o‘yini har bir yoshni o‘ylashga, mushohada qilishga chorlaydi. O‘yinni tomosha qilayotganlar uchun ham berilayotgan savollar qiziq ahamiyat kasb etadi. Ammo, vaqt degan oliy hakam chegaralangan. Bir daqiqa davomida berilgan savolga javob topish kerak. Balki savolning o‘zida javobi ham yashiringandir. Muhimi ziyratlik va topqirlikda, intellektualda…
Ayni shuning uchun ham “Zakovat”ga qiziquvchan yoshlarning soni ortsa ortmoqdaki, kamaygani yo‘q. O‘quvchi-yoshlarni haqiqiy bilim maydonida birlashtirish, sog‘lom raqobatni shakllantirish, do‘stlar orttirish, hurmat-e’tibor qozonish, o‘tib borayotgan vaqtni mazmunli o‘tkazish, bilmagan narsalarni bilib olish, ham g‘oliblik, ham mag‘lubiyat nashidasini tatib ko‘rishlariga imkon beruvchi “Zakovat” intellektual o‘yini “Besh tashabbus olimpiadasi”ning 2-mavsumi doirasida Angor tumanida o‘tkazildi. Oʻyinining viloyat bosqichi ana shunday ezgu maqsadlarga qaratildi. Qizg‘in va bahs-munozaralarga boy tarzda o‘tgan o‘yinda jami 45 ta jamoa ishtirok etdi.
Natijalarga ko‘ra 1-o‘rin – Termiz shahar 9-umumta’lim maktabi jamoasiga nasib etdi va g‘olib jamoalar o‘yinning respublika bosqichida ishtirok etish imkoniyatiga ega bo‘lishdi.