Muammo yechim topdi

Sho‘rchilik xotin-qizlarining yillar davomida to‘planib kelayotgan muammolari bir kunda yechim topdi. Barcha ayol ham muqim ishi bo‘lishni istaydi. Ana shundagina oila byudjetiga foyda keltirish bilan birga, ro‘zg‘orini butlashadi, kam-ko‘stini to‘ldirishadi. Xolbuki, ishi va hunari yo‘qlar ham bugun e’tibor va g‘amxo‘rlik ostida. Kasb-hunar o‘rganib, ish boshlashlari mumkin.
Shu maqsadda ishsizlik muammolari bilan ro‘yxatga olingan xotin-qizlar hunar o‘rganib, o‘zi yoqtirgan kasb sirlarini egallab, kasbini rivojlantirishni boshlab yuborishgan. Tikish-bichishni o‘rganib, ish boshlashga taraddudlanayotgan “Ayollar daftari”ga kiritilgan 88 nafar xotin-qizga o‘zini-o‘zi band qilish maqsadida zamonaviy tikuv mashinalari subsidiya asosida tarqatildi. Bundan ayollarning quvonchi cheksiz. Endi ular o‘z-o‘zini band qilib, daromad ko‘rishni boshlashadi.